أبوذیّات منبّهات
وحق إلدّنیا و إبحرها وبرها
و أعود إو أقسم إبزمزم وبرها
کاره إهمومی أشیلنهه وبرها
و أخیط إفتوگی وإجروحی بدیّه
...
إبشوگ إلمالی بیه رغبه ولاهم
إلحمل لو زاد أشیلنّه ولاهم
إتّحاد إعدای میضرنی ولاهم
إبصفات إلنیّه و إلخالق تچیّه
...
إوحید إلینکر إلصاحب ولاداب
تنجده إبوکت عازاتک ولاداب
إترکه إلفاقد إلرجّه ولاداب
إرضه إیصیر و إیفلش إلبنیّه
...
طورک لا تلچمه من تجاره
إو رأس إلمال إحفظه من تجاره
جار إلما تزوره من تجاره
إخو و أبده إمن إخوک إبهل وطیّه
...
إلنخل لو أثمر إبحمله یملّوه
و إلما عنده بخت لو حض یملّوه
إبمثل و إلکثّر إلدشّه یملوه
حرامی بیت لو خاین خفیّه
...
جرّب وصلک إلربعک بخت لک
ولا تجبن من أحبابک بخت لک
إلعنده علم و إلدارس بخت لک
یدلّیک إبدرب ما بیه أذیّه
...
وحق حیدر و أبو فاضل ولحسان
إلدّنیا إلوفه إمزیّنهه ولحسان
إذا فاگد أدب بیهه ولحسان
إنطمر بإلگبر لتهین إلبریّه
...
زین إبزین أوصفنّک ولاعد
إبغیابک ما فرح گلبی ولاعد
إذا تلچمنی بجروحی ولاعد
إلصدیق أکثر تذکره إمن إلخویّه
...
جمل و إلضیّعوه أهله شراهن
بدین إلغرب و إدموعه شراهن
دلیلی الام صدقانه شراهن
إنکره لحبابه چی حامل قضیّه
...
إبشعر وأنقل لک إلاداب ماجاز
إلیمثّل بإلعدو بإلحرب ماجاز
کریم إلّی هله زهدوه ماجاز
یزود إو للغرب یبگه تچیّه
...
عین إحبابک إبکل ضیج مدهم
ولیهمّک کلام إو جذر مدهم
عمامک لو غزوهم غرب مدهم
إلرگبه إفدیهه و إعلنهه إلهدیّه
...
زرعت إهموم فوگ إهموم و أثریت
إو کربت إلملح خضّر ورد وثریت
إبعمل شاق إو عدلت إلعوج وثریت
فقط ذیل إلکلب أصعب علیّه
...
إلأصیل إقبل صتیته ونتباهه
طیعه إبکل أذیته ونتباهه
إلموّدّه أنت أصلهه ونتباهه
صناعه إلبشر عرّب لک ثنیّه
...
گوم إلعارضت لک لا تمرها
ولا تقبل فکرها لا تمرها
إحباب إلما تندبک لا تمرها
إلثگل للفتی بیه هیبه إو شفیّه
...
صعد سعر إلرخیص إبأمر من قل
إو کثیره أشیاء إلک بإلصدر من قل
یخی إلبهلول تدری إشقال من قل
مثل مضروب للکرّر ردیّه
...
روحی إلضیم ضرهه من یسرها
ولا یمنه أعرفتهه من یسرها
أنهلت شاهت بمرها من یسرها
إلتهت بوزانهه من تاه إلحساب
...
جاسم ثعلبی ألحسّانی 31/02/1401
:: برچسب‌ها:
أبوذیّات منبّهات ,
:: بازدید از این مطلب : 912
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
